Փոխնախարար. Ազատագրված տարածքներում կստեղծվեն հարյուր հազարավոր աշխատատեղեր

Ազատագրված տարածքներում կվերականգնվի օկուպացիայի տարիներին ավերված սոցիալական ենթակառուցվածքը, կստեղծվեն հարյուր հազարավոր աշխատատեղեր։

Ինչպես հաղորդում է Caliber.Az-ը, այս մասին «Ադրբեջանում մասնագիտական կրթության զարգացումը հզոր տնտեսության համար. ապագայի տեսլական» համաժողովում ասել է՝ աշխատանքի և բնակչության սոցիալական պաշտպանության փոխնախարար Անար Ալիևը։

Նրա խոսքով, այդ հողերի վրա սոցիալական ենթակառուցվածքների կառուցումը չափազանց կարևոր է, քանի որ դրա բացակայությունը լուրջ խնդիրներ է ստեղծում բնակչության զբաղվածության ապահովման առումով. «Ադրբեջանը հաջողությամբ դիմակայում է բոլոր մարտահրավերներին։ Եվ կատարվող աշխատանքը դրա վառ օրինակն է»։

Անար Ալիևն ընդգծել է, որ աշխատանքներ են տարվում ազատագրված տարածքներ վերադարձող անձանց հետ, կազմակերպվում է նրանց աշխատանքի տեղավորման հնարավորությունների գնահատում. «Նախապատվությունը տրվում է առաջնահերթ որակավորում և մասնագիտություն ունեցող անձանց, ինչպես նաև աշխատանքային փորձ ունեցողներին։ Կարևոր են նաև մասնագիտական ուսուցման գործիքները: Մենք պարբերաբար ուսումնասիրում ենք աշխատաշուկան։ Պետք է բարձրացնել մասնագիտական կրթության հեղինակությունը հասարակության մեջ»։