Քննարկվել են ադրբեջանա-իսրայելական ռազմական համագործակցության հարցեր ԼՈՒՍԱՆԿԱՐ/ՏԵՍԱՆՅՈՒԹ

Հոկտեմբերի 3-ին Ադրբեջանի Հանրապետության պաշտպանության նախարար, գեներալ-գնդապետ Զաքիր Հասանովը հանդիպել է պաշտոնական այցով Ադրբեջանում գտնվող Իսրայելի պաշտպանության նախարար Բենիամին Գանցի գլխավորած պատվիրակության հետ։

Այս մասին հայտնում է Caliber.Az-ը՝ հղում անելով Ադրբեջանի պաշտպանության նախարարությանը։

Հանդիպումից առաջ իսրայելական պատվիրակությունն այցելել է Նահատակների ծառուղի և հարգանքի տուրք մատուցել հայրենիքի անկախության և տարածքային ամբողջականության համար իրենց կյանքը տված Ադրբեջանի հերոս զավակների հիշատակին, ծաղիկներ են խոնարհել «Անմար կրակի» մոտ:

Այնուհետև պաշտպանության նախարարությունում կայացել է դիմավորման պաշտոնական արարողություն։

Իսրայելի պաշտպանության նախարարն անցել է պատվո պահակախմբի առջևով, հնչել են երկու երկրների պետական օրհներգները: Իսրայելի պաշտպանության նախարարը գրառում է կատարել «Պատվավոր հյուրերի հուշամատյանում»։