Օրխան Մամեդով. Թուրքիան 15,2 մլրդ դոլար է ներդրել Ադրբեջանի տնտեսության մեջ

Մինչ օրս Թուրքիան 15,2 միլիարդ դոլարի ներդրում է կատարել Ադրբեջանի տնտեսության մեջ։

Ինչպես հայտնում է Caliber.Az-ը, այս մասին Բաքվում «Թուրք գործարարների միությունների հետ համագործակցությունը» թեմայով հանրային լսումների ժամանակ ասել է էկոնոմիկայի նախարարությանը կից Փոքր և միջին բիզնեսի զարգացման գործակալության (KOBİA) խորհրդի նախագահ Օրխան Մամեդովը:

Նրա խոսքով, դրանից 11,7 մլրդ դոլարը բաժին է ընկնում նավթագազային հատվածին, իսկ 3,5 մլրդ դոլարը՝ ոչ նավթագազային հատվածին:

«Այսօրվա տվյալներով՝ Ադրբեջանում գրանցված թուրքական կապիտալով առևտրային կազմակերպությունների թիվը կազմում է մոտ 5 670, որոնցից ավելի քան 4 հազարը ակտիվ են։ Մասնավորապես, անուրանալի է թուրքական ընկերությունների դերը օկուպացիայից ազատագրված Ադրբեջանի տարածքների վերականգնման գործում»,- հավելել է KOBİA-ի խորհրդի նախագահը։