Ստամբուլում ադրբեջանական դպրոց կբացվի

Ստամբուլում նախատեսվում է ադրբեջանական դպրոց բացել։

Ինչպես հաղորդում է Report-ը, այս մասին հայտարարել է՝ Թուրքիայի խորհրդարանի պատգամավոր, Թուրքիա-Ադրբեջան միջխորհրդարանական բարեկամության խմբի ղեկավար Շամիլ Այրըմը։

Այս ուսումնական հաստատությունը գործելու է Թուրքիայի կրթական ծրագրերին հարմարեցված համակարգի համաձայն։

«Մենք տրամադրել և տրամադրում ենք աջակցություն՝ ապահովելու, որ մեր հայրենակիցների երեխաներն ու թոռները օրինական ճանապարհով ապրեն և կրթություն ստանան Ստամբուլում։ Օրինակ, կան մի քանի ադրբեջանական դպրոցներ, որոնք գործում են ոչ պաշտոնական հիմունքներով։ Սակայն շուտով Ստամբուլում պաշտոնապես կգործի ադրբեջանական դպրոցը, ինչպես վայել է երկու եղբայրական երկրների դաշնակցային հարաբերություններին»,- նշել է պատգամավորը։