Վրաստանի վարչապետը Ադրբեջանի պատվիրակությանը հրավիրել է «Մետաքսի ճանապարհ» ֆորումին

Տարածաշրջան  03 Հունիսի 2023 - 13:36

Վրաստանի վարչապետ Իրակլի Ղարիբաշվիլին՝ այցով Թբիլիսիում գտնվող ադրբեջանական պատվիրակությանը հրավիրել է՝ այս տարվա աշնանը Թբիլիսիի «Մետաքսի ճանապարհի» ֆորումին, հայտնում է Sputnik Գրուզիան՝ վկայակոչելով Վրաստանի կառավարության վարչակազմի մամուլի ծառայությունը։

«Թբիլիսիի Մետաքսի ճանապարհի ֆորումը» Վրաստանի մայրաքաղաքում կանցկացվի չորրորդ անգամ։ Ֆորումի նպատակն է՝ ստեղծել և հաստատել քննարկման հարթակ, որտեղ «Մետաքսի ճանապարհ» նախաձեռնության երկրների, միջազգային կազմակերպությունների և մասնավոր հատվածի ներկայացուցիչները կքննարկեն՝ միջազգային և տարածաշրջանային առևտրի ոլորտներում համագործակցության խորացման հեռանկարները:

Նշվել է, որ Վրաստանն ու Ադրբեջանը հաջողությամբ իրականացնում են համաշխարհային և տարածաշրջանային նշանակության տարբեր տնտեսական, էներգետիկ և տրանսպորտային նախագծեր, և պատրաստակամություն է հայտնվել՝ ապագայում ավելի սերտ համագործակցության համար՝ երկու երկրների միջև առկա ներուժն ամբողջությամբ օգտագործելու համար։ Ուշադրություն է դարձվել երկրի ներդրումային ներուժին։

Բացի այդ, նշվել է, որ Վրաստանի կառավարության առաջնահերթություններից է հանդիսանում՝ երկրի տարանցիկ գործառույթի ուժեղացումը և տարածաշրջանային լոգիստիկ հանգույցի ձևավորումը։ Քննարկվել է՝ Բաքու-Թբիլիսի-Կարս կապող նոր երկաթուղային գծի արագացված տեմպերով կառուցման աշխատանքների իրականացման կարևորությունը։

Այս պահին ԲԹԿ-ի վրացական հատվածը փակ է գլխավոր կապալառուի կողմից շինարարության արագացման պատճառով։ Մինչ այժմ վրացական հատվածի աշխատանքների շուրջ 86%-ն արդեն ավարտված է։ Երկաթուղու համար 100 միլիոն դոլարի հավելյալ ներդրման մասին հայտարարվել էր անցյալ տարվա դեկտեմբերին։

Caliber.Az

Դիտումներ: 40