Մոլդովական լրատվական պորտալը՝ Զանգեզուրի միջանցքի մասին

Մոլդովական Noi.md լրատվական պորտալը հրապարակել է Ադրբեջանի նախագահ Իլհամ Ալիևի հայտարարությունները Զանգեզուրի միջանցքի վերաբերյալ, որոնք հնչել են տրանսպորտի հարցերին նվիրված խորհրդակցության ժամանակ։

Ինչպես հաղորդում է AZERTAC-ը, հոդվածում, հղում անելով պետության ղեկավարի ելույթին, ընդգծվում է, որ Զանգեզուրի միջանցքն արդեն իսկ աշխարհում ընդունված արտահայտություն ու եզրույթ է։ Այն ներառվել է միջազգային լեքսիկոնում, և Ադրբեջանը գործնական քայլեր է ձեռնարկում այդ միջանցքի բացման ուղղությամբ։

Այնուհետև հոդվածում մեջբերվում են նախագահ Իլհամ Ալիևի խոսքերը, թե Ադրբեջանը Հայաստանի հետ երկկողմ շփումների ժամանակ անընդհատ շեշտում է մի հարց. Ադրբեջանից Ադրբեջան պետք է լինի անարգել անցում. և խոչընդոտներ: «Պետք է լինի Ադրբեջանից Ադրբեջան հարմարավետ և ազատ անցում՝ առանց որևէ ստուգման և խոչընդոտի: Սա մեր պահանջն է՝ հաշվի առնելով, որ 1920 թվականի նոյեմբերին խորհրդային իշխանությունը մեզնից խլեց Արևմտյան Զանգեզուրը և հանցագործություն կատարեց ադրբեջանական ժողովրդի դեմ։ Սա առաջին և վերջին հանցագործությունը չէր»։

Հոդվածում զգալի տեղ է հատկացվում նաև Զանգեզուրի միջանցքի վերաբերյալ պետության ղեկավարի այլ հայտարարություններին։