Հաջիև. Մենք ճշմարիտ չենք համարում Հայաստանի ղեկավարության կողմից արված հայտարարությունները

Դեսպաններին արտաքին գործերի նախարարություն հրավիրելը, նրանց հետ տարբեր հանդիպումներ և դիրքորոշումների փոխանակում անցկացնելը՝ նորմալ դիվանագիտական պրակտիկա է։
 
Այդ մասին «Teleqraf.com»-ին հայտնել է՝ Ադրբեջանի նախագահի օգնական, Նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը՝ մեկնաբանելով Ռուսաստանում Ադրբեջանի դեսպան Ռահման Մուստաֆաևին Ռուսաստանի արտաքին գործերի նախարարություն հրավիրելը։
 
Հիքմեթ Հաջիևը հիշեցրել է, որ Ռուսաստանի Դաշնության դեսպան Միխայիլ Եվդոկիմովը նույնպես հրավորվել էր Ադրբեջանի արտաքին գործերի նախարարություն։ Հանդիպմանը դեսպանը տեղեկացվել է՝ մի շարք հարցերի շուրջ պաշտոնական Բաքվի դիրքորոշման մասին, այդ թվում նաև այն թեմայով, որը հանդիսանում է քննարկման հիմնական առարկա։
 
Նշենք, որ Ռուսաստանի արտաքին գործերի փոխնախարար Միխայիլ Գալուզինը հունվարի 27-ին՝ Ռահման Մուստաֆաևի հետ հանդիպմանը հայտարարել էր՝ ադրբեջանական լրատվամիջոցների հրապարակումներում Ռուսաստանի հասցեին հնչող մեղադրանքներն անհիմն լինելու մասին։ Դեկտեմբերի 25-ին Ղազախստանի Ակտաուի մերձակայքում «Ադրբեջանական ավիաուղիներ»-ի ինքնաթիռի վթարը քննարկելիս ընդգծվել է՝  տեղի ունեցած ողբերգության բոլոր հանգամանքների պարզաբանման համար ծառայողական հետաքննությունն ավարտելու և դրա արդյունքները հրապարակելու անհրաժեշտությունը։
 
Հունվարի 28-ին Ադրբեջանում Ռուսաստանի դեսպան Միխայիլ Եվդոկիմովը հրավիրվել է արտաքին գործերի նախարարություն։ Հանդիպմանն ընդգծվել է, որ ռուսական մամուլում, ինչպես նաև Ռուսաստանի որոշ պաշտոնական շրջանակների կողմից Ադրբեջանի դեմ ուղղված ապատեղեկատվական բնույթի հաղորդագրությունների և հաղորդումների հրապարակումը թյուրիմացություն է առաջացնում, հակասում է՝ Ադրբեջանի Հանրապետության և Ռուսաստանի Դաշնության միջև դաշնակցության մասին հռչակագրի բովանդակությանը և ոգուն։
 
Նշվել է, որ «Ադրբեջանական ավիաուղիներ»-ի ինքնաթիռի ողբերգական վթարի գործով նախաքննության արդյունքները հայտնի են, աշխատանքներ են տարվում հետաքննությունն ավարտելու ուղղությամբ, բացահայտ հայտարարվել են ռուսական կողմից մեր ակնկալիքները՝ կործանման հետ կապված։ Ինչ վերաբերում է «Ռուսական տան» մասին տեղական մամուլում տեղ գտած տեղեկատվությանը, ընդգծվել է, որ դա պաշտոնական դիրքորոշում չէ, որ Ադրբեջանի տարածքում նման կազմակերպությունների գործունեությունը պետք է հիմնված լինի փոխադարձության սկզբունքի վրա և իրականացվի օրենսդրության պահանջների համապատասխան։
 
Մեկնաբանելով իրանցի որոշ այաթոլլահների արշավն Ադրբեջանի դեմ՝ Հիքմեթ Հաջիևն ընդգծել է, որ Ադրբեջանն ու Իրանը՝ հարևաններ են և հետևաբար կարևոր է, որպեսզի երկու երկրների միջև լինեն բարեկամական և բարիդրացիական հարաբերություններ։ Նրա խոսքով, Իրանի և Ադրբեջանի միջև կապերը գտնվում են բարձր մակարդակի վրա։ «Բոլոր հարցերը քննարկվում են երկու երկրների համապատասխան կառույցների կողմից՝ երկխոսության և համագործակցության պայմաններում։ Կան ուժեր, որոնք փորձում են ազդել այս գործընթացի վրա, կան տարբեր տարաձայնություններ հասարակական կամ լրատվական դաշտում։ Բայց մենք համարում ենք, որ այստեղ կարևորագույն պահ են հանդիսանում՝ պետական մակարդակով և երկու երկրների համապատասխան կառույցների միջև անցկացվող քաղաքական խորհրդակցությունները»,- նշել է Հիքմեթ Հաջիևը։
 
Իր վերաբերմունքը հայտնելով Հայաստանի վարչապետ Նիկոլ Փաշինյանի՝ անջատողական ռեժիմի ներկայացուցիչների նկատմամբ հոգեմետ դեղամիջոցների կիրառման մասին հայտարարություններին՝ Հիքմեթ Հաջիևը հայտարարել է. «Մենք ճշմարիտ չենք համարում Հայաստանի ղեկավարության կողմից արված հայտարարությունները»
 
Նա հիշեցրել է, որ Ադրբեջանում շարունակվում է դատական գործընթացը՝ մեր երկրի դեմ Հայաստանի ագրեսիային մասնակցելու մեջ մեղադրվողների նկատմամբ. «Դատական գործընթացը անցկացվում է լիովին օբյեկտիվ և արդար։ Մենք ճիշտ չենք համարում դատարանի գործին միջամտելու փորձերը։ Մեղադրյալների բոլոր իրավունքները լիովին ապահովված են։ Նրանց ցուցմունքները լուսաբանվում են մեր երկրի զանգվածային լրատվամիջոցներում։ Հետևաբար մենք ճշմարիտ չենք համարում Հայաստանի ղեկավարության նման հայտարարությունները։
 
Ընդհանուր առմամբ, դատական գործընթացը ապացուցում է, որ այստեղ կարևորագույն խնդիրներից մեկը հանդիսանում է Հայաստանի պետական պատասխանատվությունը։ Ինքնին մեղադրյալների ցուցմունքների հիման վրա կարելի է գալ այն եզրակացության, որ հանձնարարականները տրվել են անմիջականորեն Հայաստանի Հանրապետության կողմից։
 
Հայաստանը ագրեսոր և օկուպանտ պետություն էր, և այս պետության կողմից տրված հրամանները տարբեր անձանց կողմից կատարվում էին տեղում։ Բայց դարձյալ, սխալ կլինի խոսել դատավարության վերջնական արդյունքների մասին։ Դատական գործընթացի շրջանակներում բոլոր մեղադրյալների պատասխանատվությունը լիովին ապահովված կլինի։ Այստեղ գլխավոր խնդիրը՝ արդարության հասնելն է։ Ադրբեջանական ժողովուրդը սպասում է այդ արդարությանը»։