Բաքուն և Թեհրանը համատեղ Տրանսպորտային կոմիտե են ստեղծում

Իրանի և Ադրբեջանի Տրանսպորտային համատեղ կոմիտեն իր աշխատանքը կսկսի առաջիկա շաբաթներին։

Ինչպես հաղորդում է Caliber.Az-ը, այս մասին հայտարարել է Իրանի ճանապարհների և քաղաքաշինության նախարար Ֆարզանե Սադեղը։

Նրա խոսքով, կոմիտեի ստեղծման նպատակն է արագացնել համատեղ նախագծերի իրականացումը տրանսպորտի, այդ թվում՝ երկաթուղային, ավտոմոբիլային, օդային և ծովային փոխադրումների ոլորտում։

Նախարարը նշել է, որ Ադրբեջանի փոխվարչապետ Շահին Մուստաֆաևի հետ հանդիպման ընթացքում քննարկումներ են տեղի ունեցել երկկողմ հանձնաժողովի շրջանակներում։

Բացի այդ, լրացուցիչ համաձայնագրեր են կնքվել այնպիսի ոլորտներում, ինչպիսիք են առևտուրը, տրանսպորտը, էներգետիկան, նավթագազային ոլորտը։