Չինաստանի դեսպանը՝ «Մեկ գոտի, մեկ ճանապարհ» նախաձեռնության մեջ Ադրբեջանի դերի մասին

Չինաստան-Եվրոպա արագընթաց գնացքի գործարկումը Տրանսկասպյան միջազգային տրանսպորտային երթուղով՝ (TITR, կամ Միջին միջանցք) հանգեցրել է բեռնափոխադրումների ծավալների զգալի աճի։
 
Ինչպես հաղորդում է Report-ը, այս մասին հայտարարարել է Բաքվում Չինաստանի դեսպան Լու Մեյը՝ առաջին ադրբեջանական միջազգային ներդրումային ֆորումի (AIIF 2025) ժամանակ։
 
Դիվանագետը նշել է, որ այս երթուղին նշանակալի դեր է խաղացել տարածաշրջանի լոգիստիկայի և  փոխադրման մեջ՝ կապելով Ասիան և Եվրոպան. «Բոլոր երկրները օգտվում են դրանից, և սա «Մեկ գոտի, մեկ ճանապարհ» նախաձեռնության շրջանակներում համագործակցության հիանալի օրինակ է»։
 
Խոսելով «Մեկ գոտի, մեկ ճանապարհ» նախաձեռնության նշանակության մասին՝ Լու Մեյը ընդգծել է՝ Ադրբեջանի ակտիվ մասնակցությունը դրանում։
 
«Ադրբեջանը մասնակցում է այս նախաձեռնությանը Չինաստանի նախագահ Սի Ցզինպինի առաջարկից ի վեր, և այս ոլորտում համատեղ աշխատանքը զարգանում է բարձր մակարդակով։ Համագործակցությունը հիմնված է համատեղ պլանավորման, շինարարության և օգուտների ստացման սկզբունքների վրա։ Դրա շնորհիվ Չինաստանն իր դռներն ավելի լայն է բացում աշխարհի առջև, և Հարավային Կովկասի ու Կենտրոնական Ասիայի բոլոր երկրները ակտիվորեն մասնակցում են այս նախաձեռնությանը», - ասել է դիվանագետը։