Ադրբեջանցի զինծառայողները մասնակցում են Տաշքենդում անցկացվող՝ «Մահարաթ-2025» զորավարժություններին

Ադրբեջանի և Ուզբեկստանի պաշտպանության նախարարությունների միջև՝ 2025 թվականի երկկողմ ռազմական համագործակցության պլանի շրջանակներում Տաշքենդում անցկացվում են՝ համակարգչային աջակցությամբ  «Մահարաթ-2025» համատեղ հրամանատարաշտաբային զորավարժությունները։
 
Ինչպես Caliber.Az-ին հայտնել են  Ադրբեջանի Պաշտպանության նախարարությունից՝ «Անօրինական զինված խմբավորումների որոնում, տեղայնացում և չեզոքացում» խորագրով զորավարժությունները անցկացվում են՝ Զինված ուժերի մոդելավորման և սիմուլյացիայի հետազոտությունների ուսումնական կենտրոնում և բաղկացած են երկու փուլից։
 
Առաջին փուլում մասնակիցները կկատարեն օպերացիաների պլանավորման գործողություններ, իսկ երկրորդ փուլում՝ համապատասխան գործողություններ՝ մոդելավորման և սիմուլյացիայի ծրագրային ապահովման  կիրառմամբ:
 
«Մահարաթ 2025» զորավարժությունների նպատակն է՝ երկկողմ համագործակցության ընդլայնումը, զինծառայողների միջև փոխգործակցության կատարելագործումը և ձեռք բերված ռազմական փորձի  փոխանակումը։