Բաքուն, Աստանան և Տաշքենդը համաձայնագիր կստորագրեն կանաչ էներգիայի ոլորտում

Ադրբեջանը, Ղազախստանը և Ուզբեկստանը նախատեսում են միջկառավարական համաձայնագիր ստորագրել կանաչ էներգիայի զարգացման և փոխանցման ոլորտում ռազմավարական գործընկերության մասին։

Այս մասին հայտնում է Сaliber.Az-ը՝ հղում անելով Ղազախստանի կառավարությանը1

Համաձայնագրի նախագծում ամրագրված է եռակողմ պայմանավորվածություն՝ ամրապնդելու համագործակցությունը էներգետիկ ոլորտում, ներառյալ մաքուր և վերականգնվող էներգիայի աղբյուրները և էներգաարդյունավետությունը:

Բացի այդ, կողմերը մտադիր են զարգացնել համագործակցությունը վերականգնվող էներգիայի աղբյուրներից ստացվող էլեկտրաէներգիայի փոխանցման և մատակարարման ոլորտում; մշակել էկոլոգիապես մաքուր ջրածնի և ամոնիակի արտադրության, փոխադրման և առևտրի նախագծեր: