Բուլղարիայի վարչապետ. ադրբեջանական գազի մատակարարումները վերջ կդնեն ռուսական մենաշնորհին

Բուլղարիայի վարչապետ Կիրիլ Պետկովը հայտարարել է, որ Հունաստան-Բուլղարիա փոխկապակցման (IGB) բացումը և դրա միջոցով ադրբեջանական գազի մատակարարումը վերջ կդնի ռուսական մենաշնորհին, գրում է Gazeta.ru-ն։

Նրա խոսքով, IGB-ի բացումը հունական Կոմոտինի քաղաքում պատմական օր է:

«Սա էներգետիկ անկախության հասնելու խորհրդանիշ է։ Փոխկապակցիչը սկսում է աշխատել: Ես հպարտ եմ, որ ղեկավարել եմ կառավարությունը, որի օրոք ընդամենը վեց ամսում ավարտվեց այդ աշխատանքը»,- ասել է Բուլղարիայի վարչապետը:

Նրա խոսքով` ԵՄ-ի և Ադրբեջանի նախագահ Իլհամ Ալիևի աջակցությունն սկսում է նոր աշխարհաքաղաքական համագործակցություն, որն ունի գործնական հետևանքներ և փոխում է տարածաշրջանի քարտեզը: Շնորհիվ նրա, որ Բուլղարիան առաջիկա շաբաթներին կսկսի գազ ստանալ Ադրբեջանից, դա վերջ կդնի ռուսական մենաշնորհին։