Եթովպիա. Ադիս Աբեբան և Բաքուն կիսում են պետությունների տարածքային ամբողջականությունը հարգելու սկզբունքները Caliber.Az Թարգմանություն

Եթովպական The reporter Ethiopia-ն հոդված է հրապարակել ադրբեջանա-եթովպական համագործակցության մասին։

Եթովպիան ճանաչել է Ադրբեջանի Հանրապետության անկախությունը ԽՍՀՄ փլուզումից անմիջապես հետո՝ 1991 թվականի դեկտեմբերի 26-ին։ Մեկ տարի էլ չանցած՝ 1992 թվականի նոյեմբերի 2-ին, երկու երկրների միջև հաստատվեցին դիվանագիտական հարաբերություններ։

Պետությունների միջև երկկողմ հարաբերությունները աստիճանաբար զարգացան, և 2014 թվականի վերջին Եթովպիայի մայրաքաղաք Ադիս Աբեբայում բացվեց Ադրբեջանի առաջին դեսպանատունը։ 2017 թվականին կայացել է Ադրբեջանի արտաքին գործերի նախարարի պաշտոնական այցը Եթովպիա, որից հետո ստորագրվել է փոխըմբռնման հուշագիր։ Այս փաստաթուղթը ամրապնդեց ԱԳ նախարարների միջև ապագա քաղաքական շփումների մասին համաձայնագիրը։ Նույն թվականին Բաքվում կայացել է բարձր մակարդակի գործարար հանդիպում։
2019 թվականի հոկտեմբերին Եթովպիայի արտաքին գործերի նախարարի գլխավորած բարձրաստիճան պատվիրակությունն այցելեց Ադրբեջան՝ մասնակցելու Չմիավորման շարժման (NAM) 18-րդ գագաթնաժողովին։

Մարդասիրական ուղղվածությունը միշտ եղել է երկկողմ հարաբերությունների զարգացման անբաժանելի մասը։ Նման միջոցառումների շրջանակներում, մասնավորապես մշակույթի ոլորտում, Ադիս-Աբեբայում Ադրբեջանի դեսպանատունը հրատարակել է IRS (Ժառանգություն) ամսագիրը ամհարերեն լեզվով։ Այն նաև պոեզիայի երեկո է անցկացրել Ադիս Աբեբայում՝ նվիրված ադրբեջանցի մեծ բանաստեղծ և փիլիսոփա Նիզամի Գյանջևիի 880-ամյակին։ Վերջերս «Աշամ» հեռուստաալիքին տված հարցազրույցում Եթովպիայում Ադրբեջանի դեսպանն ասել է, որ ծրագրում է անցկացնել 1130 թվականին ադրբեջանցիու և եթովպուհու ընտանիքում ծնված, հայտնի բանաստեղծ և փիլիսոփա Մուջիրադդին Բեյլագանիի պոեզիայի հերթական երեկոն:

Երկու երկրների միջև դիվանագիտական հարաբերությունների 30-ամյակը նշվում է 2022 թվականին, որը հայտարարված է Ադրբեջանի մշակութային մայրաքաղաքի՝ Շուշա քաղաքի տարի, որը սուրբ նշանակություն ունի աշխարհի յուրաքանչյուր ադրբեջանցու համար։ Քաղաքը հիմնադրվել է 1752 թվականին ադրբեջանցի տիրակալ Փանահ-Ալի Խանի կողմից։ 2020 թվականի նոյեմբերի 8-ին Շուշա քաղաքն ազատագրվեց հայկական օկուպացիայից։ Լինելով ադրբեջանական մշակույթի գլխավոր հենարանը՝ Շուշան հռչակվել է 2023 թվականին թուրքական աշխարհի մշակութային մայրաքաղաք։
Պետք է հաշվի առնել նաև Ադրբեջանի և Եթովպիայի արդյունավետ համագործակցությունը միջազգային ասպարեզում։ Երկու երկրներն էլ կիսում են պետությունների ինքնիշխանության և տարածքային ամբողջականության հարգման, ներքին գործերին չմիջամտելու և այլ նորմերի հիմնարար սկզբունքները, որոնց կարևորությունն այսօր առավել քան երբևէ մեծ է, հատկապես երկու պետությունների համապատասխան տարածաշրջաններում շարունակվող հակամարտությունների հետ կապված։

Չնայած նրանց աշխարհագրական հեռավորությանը, Ադրբեջանի և Եթովպիայի միջև կա ապշեցուցիչ նմանություն: Այս երկրները ապագայում ևս կշարունակեն զարգացնել երկկողմ հարաբերությունները։

Թարգմանությունը՝ Ֆարահ Մամեդլիի