Թալեհ Զիյադով. Միջին միջանցքի ռազմավարական դերը աճում է

Հաշվի առնելով աշխարհաքաղաքական իրավիճակը՝ Միջին միջանցքի (Անդրկասպյան միջազգային տրանսպորտային երթուղի) ռազմավարական դերը աճում է։

Այս մասին, ինչպես տեղեկացնում է «ՌԻԱ Նովոստին», ասել է՝ «Բաքվի միջազգային ծովային առևտրիային նավահանգիստ» ՓԲԸ գլխավոր տնօրեն Թալեհ Զիյադովը՝ չինական խոշորագույն նավահանգստի՝ Ցինդաոյի ներկայացուցիչների հետ հանդիպման ժամանակ:

Նրա խոսքով, տարածաշրջանում ստեղծված իրավիճակը, հատկապես 44-օրյա պատերազմից հետո, նոր իրողությունները լրացուցիչ հնարավորություններ են բացում Միջին միջանցքի համար։

«Զանգեզուրի միջանցքով բացվում են նոր հնարավորություններ, որոնցից կարող են օգտվել չինական ընկերությունները»,- ասաել է գործադիր տնօրենը։

Զիյադովի խոսքով, վերջին 10 տարիների ընթացքում Ադրբեջանի կառավարությունն իրականացրել է՝ երկիրը տարածաշրջանային լոգիստիկ կենտրոնի վերածելու ռազմավարություն։ «Այսօր Բաքվի նավահանգիստը փոխըմբռնման հուշագիր կստորագրի Չինաստանի խոշորագույն նավահանգիստներից մեկի՝ Ցինդաոյի հետ։ Սա ավելի շատ բեռներ կգրավի դեպի Միջին միջանցք: Միջին միջանցքում բեռնափոխադրումների մեջ կարևոր տեղ է զբաղեցնում Ցինդաո նավահանգիստը։ 2019 թվականին մենք այցելեցինք այս նավահանգիստ և քննարկեցինք համատեղ աշխատանքը։ Նավահանգիստն օգտագործում է առաջադեմ տեխնոլոգիաներ»։