Սլովակիայի դեսպան. Վիշեգրադյան քառյակը լավ հիմքեր ունի Ադրբեջանի հետ համագործակցելու համար

Վիշեգրադյան խմբի երկրները ընդհանուր լավ հիմք ունեն Ադրբեջանի հետ գործընկերության համար։

Caliber.Az-ի փոխանցմամբ՝ այս մասին լրագրողներին ասել է Ադրբեջանում Սլովակիայի արտակարգ և լիազոր դեսպան Միլան Լայչակը։

Նրա խոսքով, այդ համագործակցությունն իրականացվում է Եվրամիության կողմից՝ Ուկրաինա Ռուսաստանի ներխուժումից հետո մշակված միասնական ծրագրի հիման վրա։

«Այս ռազմավարությունը կառուցված է բազմաթիվ ճգնաժամերի վերացման վրա՝ էներգետիկայի, պարենի, դրամավարկային քաղաքականության և այլնի ոլորտներում։ ԵՄ-ն որոշել է դիվերսիֆիկացնել էներգիայի աղբյուրները։ Ադրբեջանը չափազանց կարևոր գործընկեր է այս հարցում։ Բացի այդ, երկիրն ինքն է դրսևորում ԵՄ-ի հետ համագործակցելու հակվածություն»,- ասել է նա։

Դեսպանի խոսքով, Ադրբեջանից էներգակիրների մատակարարման ոլորտում խնդիրն այն է, որ բավարար հզորություններ չկան ավելի շատ գազ Եվրոպա հասցնելու համար։ «Այժմ քննարկումներ են ընթանում, թե ինչպես կարելի է միավորել շահագրգիռ կողմերին՝ հզորությունների ընդլայնման մեջ ներդրումներ կատարելու համար: Այս առումով մենք Ադրբեջանի հետ ռազմավարական գործընկերներ ենք»,- ասել է նա։