Տեղի է ունեցել Ադրբեջան-Հարավային Կորեա համատեղ միջկառավարական հանձնաժողովի նիստ

Տնտեսություն  07 Հունիսի 2023 - 18:00

Այսօր Սեուլում տեղի է ունեցել Ադրբեջան-Հարավային Կորեա տնտեսական համագործակցության միջկառավարական համատեղ հանձնաժողովի երրորդ հանդիպումը։

Ինչպես տեղեկացնում է Armenia.Az-ը՝ վկայակոչելով թվային զարգացման և տրանսպորտի նախարարությանը, կորեական կողմից հանձնաժողովի համանախագահ, այդ երկրի առևտրի, արդյունաբերության և էներգետիկայի փոխնախարար Չոն Դե Ջինը նշել է, որ Ադրբեջանն ու Հարավային Կորեան բարեկամ երկրներ են։ Նրա խոսքով, անցյալ տարի լրացավ երկու երկրների միջև դիվանագիտական հարաբերությունների հաստատման 30 տարին։

Ադրբեջանական կողմից հանձնաժողովի համանախագահ, թվային զարգացման և տրանսպորտի փոխնախարար Սամիր Մամեդովը նշել է, որ Ադրբեջանը Հարավային Կորեայի ամենամեծ առևտրային գործընկերն է Հարավային Կովկասում։

Փոխնախարարը խոսել է Միջին միջանցքով բեռնափոխադրումների դյուրացման ուղղությամբ ձեռնարկվող միջոցառումների մասին և նշել, որ Զանգեզուրի միջանցքի նախագծի իրականացումը կնպաստի տարածաշրջանի կայունությանը և զարգացմանը և կմեծացնի տարանցիկ ներուժը։

Հանդիպման ընթացքում քննարկվել են փոխադարձ ներդրումների, արդյունաբերության, առևտրի, գյուղատնտեսության, էներգետիկայի, կրթության, առողջապահության, մշակույթի և զբոսաշրջության ոլորտներում համագործակցության հնարավորությունները, որից հետո ստորագրվել է արձանագրություն։

Caliber.Az

Դիտումներ: 72