Անար Գուլիև. Պատրաստվել են Ղարաբաղի և Արևելյան Զանգեզուրի 12 քաղաքների գլխավոր հատակագծերը

Ադրբեջանը լայնածավալ վերականգնման աշխատանքներ է իրականացնում Ղարաբաղում և Արևելյան Զանգեզուրում, և այդ տարածքների 12 քաղաքների գլխավոր հատակագծերն արդեն մշակվել են։
 
Report-ի փոխանցմամբ՝ այս մասին Բաքվում ադրբեջանական առաջին միջազգային ներդրումային ֆորումում հայտարարել է՝ Քաղաքաշինության և ճարտարապետության պետական ​​կոմիտեի նախագահ Անար Գուլիևը։
 
Նրա խոսքով՝ արդեն ավարտվել է ութ գլխավոր հատակագիծ՝ հաշվի առնելով ժամանակակից քաղաքաշինության և շրջակա միջավայրի սկզբունքները, և պլանավորվել է 90 գյուղ և  ավան։ «Այսօրվա դրությամբ նախկին  հարկադիր վեաբնակները արդեն վերադարձել են 28 բնակավայր, այդ թվում՝ վեց քաղաք։ Ազատագրված տարածքներում ապրում, աշխատում և սովորում է ավելի քան 50,000 մարդ», - նշել է Գուլիևը։
 
Նա հավելել է, որ վերջին չորս տարիների ընթացքում այստեղ կառուցվել են երեք միջազգային օդանավակայաններ, նոր երկաթուղային ենթակառուցվածք, բնակելի տներ, բժշկական և կրթական հաստատություններ և 4,000 կիլոմետր ճանապարհներ։ «Ազատագրված տարածքները մեծ ներուժ ունեն վերականգնվող էներգիայի համար և պաշտոնապես հայտարարվել են կանաչ էներգիայի գոտի», - ասել է Պետական ​​կոմիտեի նախագահը։