Ադրբեջանը ներկայացված է Մարոկկոյում անցկացվող MEDays 16-րդ միջազգային ֆորումում

Նոյեմբերի 27-ին Տանժեր քաղաքում (Մարոկկո) մեկնարկել է MEDays 16-րդ միջազգային ֆորումը՝ «Ինքնիշխանության և կայունության հնարավորություններ. նոր գլոբալ հավասարակշռության ճանապարհին» թեմայով: Միջոցառումն անցկացվում է Մարոկկոյի թագավորի հովանու ներքո։

AZERTAC-ի փոխանցմամբ՝ ֆորումին, որը կշարունակվի մինչև նոյեմբերի 30-ը, մասնակցում են ավելի քան 6 հազար պատվիրակներ՝ աշխարհի ավելի քան 100 երկրներից։ Ակնկալվում է, որ միջոցառման ընթացքում պանելային նիստերին ելույթ կունենան ավելի քան 250 բարձրաստիճան հյուրեր: Ելույթ ունեցողների թվում են պետությունների և կառավարությունների ղեկավարներ, ականավոր քաղաքական գործիչներ և Նոբելյան մրցանակակիրներ:
 
Ադրբեջանը միջոցառմանը ներկայացնում է՝ ԱԳ փոխնախարար Ֆարիզ Ռզաևի գլխավորած պատվիրակությունը։ Փոխնախարարը  մասնակցել է նաև Ռաբաթում՝ Մարոկկոյի դիվանագիտական ​​հետազոտությունների ակադեմիայում երիտասարդ դիվանագետների  մասնակցությամբ կլոր սեղանին։