Լոս Անջելեսում նշվել է Աշխարհի ադրբեջանցիների համերաշխության օրը

Լոս Անջելեսում Ադրբեջանի գլխավոր հյուպատոսությունը միջոցառում է կազմակերպել՝ նվիրված դեկտեմբերի 31-ի՝ աշխարհի ադրբեջանցիների համերաշխության օրվան և Ամանորին։
 
Ինչպես հայտնում է Report-ը, միջոցառմանը մասնակցել են՝ ադրբեջանական համայնքի անդամներ, դիվանագետներ, տեղական  ինքնակառավարման մարմինների և հասարակայնության ներկայացուցիչներ, մշակութի գործիչներ։
 
Նախ հնչել է Ադրբեջանի պետական օրհներգը,  միջոցառման մասնակիցները մեկ րոպե լռությամբ հարգել են՝ երկրի տարածքային ամբողջականության համար իրենց կյանքը զոհաբերած նահատակների հիշատակը:
 
Այնուհետև գլխավոր հյուպատոս Վուգար Գուրբանովը  մանրամասն պատմել է՝ Համերաշխության օրվա պատմության մասին։ Նա հիշեցրել է, որ այս ամսաթվի պաշտոնական հաստատումը կապված է համազգային առաջնորդ Հեյդար Ալիևի անվան հետ։
 
«Մեծ առաջնորդի նախաձեռնությամբ 1991 թվականի դեկտեմբերի 16-ին՝ Նախչըվանի Ինքնավար Հանրապետության Գերագույն Մեջլիսը որոշում է ընդունել՝ Ազգային համերաշխության և միասնության օրվա սահմանելու մասին։ Անցած տարիներին աշխարհի բոլոր մասերում ապրող ադրբեջանցիները պահպանել են իրենց ազգային ինքնությունը և գործել միասնության ու համերաշխության զգացումով»,- ընդգծել է Վ.Գուրբանովը։