Քոֆի. Թրամփի այցը Ադրբեջան կարևոր քայլ կլինի երկկողմ հարաբերությունների զարգացման գործում

Ես շատ լավատեսորեն եմ տրամադրված՝ Հարավային Կովկասում և ադրբեջանա-ամերիկյան հարաբերություններում տեղի ունեցող զարգացումների նկատմամբ։
 
Այս մասին AZERTAC-ին ասել է՝ Հադսոնի ինստիտուտի առաջատար փորձագետ Լյուկ Քոֆին։ Նրա խոսքով, վաղուց եկել է ժամանակը՝ երկկողմ հարաբերություններին  նոր էներգիա հաղորդելու համար։
 
«Օգոստոսի 8-ին Սպիտակ տանը նախագահ Թրամփի հետ հանդիպումը նոր մեկնարկային կետ էր մեր հարաբերությունների համար։ Ես կարծում եմ, որ Միացյալ Նահանգներն ու Ադրբեջանը ընդհանուր շահեր ունեն այնպիսի ոլորտներում, ինչպիսիք են տնտեսությունը, բիզնեսը, առևտուրը, էներգետիկան և անվտանգությունը։ Հուսով եմ, որ այսուհետ մենք կտեսնենք երկու երկրների միջև ավելի սերտ համագործակցություն», - նշել է Լյուկ Քոֆին։
 
Փորձագետը ընդգծել է, որ այս հարաբերությունները նոր մակարդակի բարձրացնելու ամենակարևոր և միևնույն ժամանակ ամենապարզ քայլերից մեկը կլինի՝ նախագահ Թրամփի այցը Ադրբեջան։
 
«ԱՄՆ ոչ մի նախագահ երբեք չի այցելել Ադրբեջան։ Դրա հետ մեկտեղ, շատ լավ կլիներ, որ պետքարտուղար Մարկո Ռուբիոն նույնպես նման այց կատարեր։ Վերջին անգամ ԱՄՆ պետքարտուղարը Ադրբեջան է այցելել 2012 թվականին,  դա Հիլարի Քլինթոնն էր։ Հետևաբար, ամենաանհետաձգելի քայլը, որը կարող է ձեռնարկվել, տարածաշրջան այցելություններ սկսելն ու երկու առաջնորդների միջև հանդիպում անցկացնելն է՝ այս հարաբերությունների առաջխաղացման լավագույն ուղին որոշելու համար», - եզրափակել է նա։