Սահակյան. Ղարաբաղում սպառազինման առաջին կոչը հնչել է հանրահավաքներում

Ղարաբաղում սպառազինման առաջին կոչը հնչել է հանրահավաքներում:
 
Ինչպես հաղորդում է AZERTAC-ը, այս մասին Բաքվի զինվորական դատարանի այսօրվա նիստում հայտարարել է՝ մեղադրյալ Բակո Սահակյանը։
 
Նա նշել է, որ սպառազինումը տեղի է ունեցել ինչպես գյուղերում, այնպես էլ քաղաքներում. «Զենքի մի մասը եղել է տեղակայված խորհրդային զորամասերից։ Բացի այդ, եղել են զենքի մատակարարումներ Հայաստանից։ Սրանք եղել են սպառազինության հիմնական ուղիները»։
 
Նշենք, որ այսօր շարունակվում է՝ խաղաղության և մարդկության դեմ հանցագործությունների, ռազմական հանցագործությունների, այդ թվում՝ ագրեսիվ պատերազմի նախապատրաստման ու վարելու, ցեղասպանության, պատերազմի օրենքների ու սովորույթների խախտման, ինչպես նաև ահաբեկչության, ահաբեկչության ֆինանսավորման, իշխանության բռնի զավթման, իշխանության պահպանման և բազմաթիվ այլ հանցագործությունների մեջ մեղադրվող Հայաստանի  քաղաքացիների դատավարությունը։