ԱԳՆ. Իրանը դեմ է տարածաշրջանում հակամարտության սրմանը, սակայն...

Իրանի կողմից հավաքված բոլոր ապացույցները ցույց են տալիս, որ պաղեստինյան ՀԱՄԱՍ շարժման քաղաքական բյուրոյի ղեկավար Իսմայիլ Հանիյեի սպանության հետևում կանգնած է Իսրայելը։ Իրանը դեմ է տարածաշրջանում հակամարտության սրմանը, սակայն Իսրայելը պետք է պատժվի Իսմայիլ Հանիեի սպանության համար։

Reuters-ի փոխանցմամբ՝ այս մասին ամենշաբաթյա մամուլի ասուլիսում հայտարարել է՝ Իսլամական Հանրապետության արտաքին գործերի նախարարության պաշտոնական ներկայացուցիչ Նասեր Կանանին։

«Ամեն ինչ վկայում է, որ Իսմայիլ Հանիյեի սպանության հետևում կանգնած է Սիոնիստական ռեժիմը (նկատի է առնվում Իսրայելը): Այս սպանությունից, բացի Իսրայելից ոչ ոք չշահեց, և Սիոնիստական ռեժիմի որոշ պաշտոնյաների արտահայտությունները հաստատում են դա»,- ընդգծել է Կանանին։