Առաքելություն հանուն խաղաղության Ադրբեջանի դերը համաշխարհային կոորդինատային համակարգում

Ադրբեջանի շուրջ նկատվող արտաքին քաղաքական դինամիկան հաստատում է ակնհայտը՝ Բաքուն սրընթաց ամրապնդում է իր դիրքերը ոչ միայն տարածաշրջանային, այլ նաև գլոբալ քաղաքականության մեջ: Ընդ որում, մեր երկիրը ամրապնդում է հարաբերությունները ոչ միայն ավանդական գործընկերների, այլ նաև նրանց հետ, ովքեր գտնվում են միմյանց հետ կոշտ դիմակայության մեջ: Դրա բնորոշ օրինակ են՝ Ադրբեջանի Հանրապետության նախագահի օգնական, Ադրբեջանի Հանրապետության նախագահի աշխատակազմի արտաքին քաղաքական հարցերով բաժնի ղեկավար Հիքմեթ Հաջիևի այցերը Իսրայել և Իրան: Հենց դիվանագիտական նախաձեռնությունների շնորհիվ է պաշտոնական Բաքվին հաջողվել կառուցել արդյունավետ հարաբերությունները ինչպես հրեական պետության, այնպես էլ ԻԻՀ-ի հետ.  առաջինի հետ հաստատել համագործակցություն՝ հատկապես բարձր տեխնոլոգիաների, բժշկության և պաշտպանության ոլորտներում, և միևնույն ժամանակ արդյունավետ երկխոսություն վարել երկրորդի հետ՝ հենվելով պատմական, մշակութային և կրոնական կապերի վրա:
 
Այս անգամ Ադրբեջանի նախագահի օգնականը մասնակցել է ԱՄՆ-Մերձավոր Արևելք գագաթնաժողովին և Կոնգրեսում Ամերիկյան հրեական կոմիտեի (AJC) միջոցառմանը, ինչպես նաև անցկացրել է մի շարք հանդիպումներ, որոնց թեմաներ են եղել՝ մեր երկրի և Միացյալ Նահանգների ռազմավարական գործընկերությունը, տարածաշրջանային մարտահրավերները և գլոբալ անվտանգության հարցեր: Եվ միանգամայն հատկանշական է, որ նրա բանակցությունները անցկացվել են ոչ միայն գործադիր իշխանության ներկայացուցիչների, այլ նաև կոնգրեսականների և սենատորների հետ, ինչը խոսում է Բաքվի հետ համագործակցության նկատմամբ Վաշինգտոնի կոմպլեքսային մոտեցման մասին։
 
Հիքմեթ Հաջիևի այցի կարևոր տարրերից մեկն է դարձել՝ ԱՄՆ-ի պետքարտուղարի տեղակալ Քրիստոֆեր Լանդաուի հետ հանդիպումը, որի ընթացքում կայացել են ադրբեջանա-ամերիկյան ռազմավարական հարաբերությունների, ինչպես նաև տարածաշրջանային և գլոբալ քաղաքականության հարցերի մանրամասն քննարկումներ:
 
Իր հերթին, ԱՄՆ-ի Կոնգրեսի Ներկայացուցիչների պալատի արտաքին գործերի հարցերով կոմիտեի նախագահ Բրայան Մաստի և սենատոր Սթիվ Դեյնսի հետ հանդիպումներում ընդգծվել է՝ Ադրբեջանի ռազմավարական նշանակությունը ամերիկյան քաղաքական օրակարգում: Դոնալդ Թրամփի ամենամտերիմ կողմնակիցներից մեկը՝ Դեյնսը բացահայտորեն պաշտպանում է Անդրկասպյան նախագծի առաջխաղացումը և Ադրբեջանի միջոցով թուրքմենական գազի Եվրոպա տեղափոխումը, ինչը լիովին համընկնում է ԱՄՆ-ի նախագահի վարչակազմի շահերի հետ։
 
Այսօրվա դրությամբ կարելի է առանց կասկածի հաստատել, որ ադրբեջանա-ամերիկյան հարաբերությունները մտել են նոր փուլ: Ադրբեջանը հանդես է գալիս որպես ԱՄՆ-ի գլխավոր դաշնակից Հարավային Կովկասում: Եվ դրա ամենացայտուն վկայությունը՝ նախագահ Իլհամ Ալիևի Վաշինգտոն կատարած հաջող այցն է, որի ընթացքում Դոնալդ Թրամփի մասնակցությամբ նախաստորագրվել է Ադրբեջանի և Հայաստանի միջև խաղաղության համաձայնագիրը։
 
Այս քայլը դարձավ պատմական ամբողջ տարածաշրջանի համար. տասնամյակների առճակատումներն ու պատերազմները իրենց տեղը զիջեցին նորմալացման գործընթացին։
 
Միջազգային հանրության համար վաշինգտոնյան պայմանավորվածությունները ցույց էին տալիս, որ ԱՄՆ-ի աջակցությամբ և Ադրբեջանի առաջնորդության շնորհիվ հաջողվեց առաջընթացի հասնել հետխորհրդային տարածքում ամենաերկարատև հակամարտության մեջ։ Սպիտակ տունը հստակ հասկացրեց, որ խաղադրույք է կատարում հենց Ադրբեջանի, որպես Հարավային Կովկասի ամենաուժեղ և ամենաազդեցիկ պետության վրա։
 
Այսօր մեր երկիրը գտնվում է տարածաշրջանային և համաշխարհային անվտանգության նոր ճարտարապետության կենտրոնում։ Վաշինգտոնը ցույց է տալիս, որ հենց Բաքուն է ունակ ապահովել կայունությունը Հարավային Կովկասի տարածաշրջանում։ Դրանով հանդերձ Ադրբեջանը հանդես է գալիս ոչ միայն որպես էներգետիկ հանգույց, այլ նաև որպես երկիր, որը ստանձնել է խաղաղապահության և ռազմավարական միջնորդության առաքելությունը։ Ադրբեջանի Հանրապետությունը դառնում է Միացյալ Նահանգների և Արևմուտքի գլոբալ քաղաքականության անբաժանելի մասը, և նրա նշանակությունը համաշխարհային կոորդինատային համակարգում անշեղորեն աճում է։