Իրանի դեսպան. Հարավային Կովկասի երկրներն ի վիճակի են ինքնուրույն լուծել իրենց խնդիրները

Իրանը միշտ պնդել է տարածաշրջանային խնդիրները լուծել՝ օգտագործելով տարածաշրջանի երկրների ներուժը։

Այս մասին Caliber.Az-ին ասել է Ադրբեջանում Իրանի Իսլամական Հանրապետության արտակարգ և լիազոր դեսպան Սեյիդ Աբբաս Մուսավին։

«Արևմտյան երկրների միջամտությունը տարածաշրջանում չի կարելի հաջողված փորձ համարել, և այդ գործունեությունը չի օգնի տարածաշրջանում խնդիրների լուծմանը, ընդհակառակը, կբարդացնի իրավիճակը։ Որովհետև արևմտյան երկրներն առաջին հերթին հետապնդում են իրենց շահերը, այլ ոչ թե տարածաշրջանի երկրների։

Հավատում ենք, որ Հարավային Կովկասի երկրներն ընդունակ են ինքնուրույն լուծել իրենց խնդիրները։ Իրանի Իսլամական Հանրապետությունն այս ուղղությամբ երկկողմ և բազմակողմ շփումներ է պահպանում»,- ասել է դիվանագետը։