Փաշինյանի և Գարեգին Բ-ի միջև սև կատու է անցել

Նիկոլ Փաշինյանի և Հայ առաքելական եկեղեցու միջև կոնֆլիկտը գնալով սրվում է:

Ինչպես տեղեկացնում է Caliber.Az-ը՝ վկայակոչելով հայկական ԶԼՄ-ներին, դրա մասին վկայում է նաև այն փաստը, որ այս տարի էլ Փաշինյանը չշնորհավորեց Գարեգին Բ կաթողիկոսի ծննդյան տարեդարձը, որը նշվում էր օգոստոսի 21-ին:

Մինչդեռ իշխանության գալուց հետո երեք տարի անընդմեջ Փաշինյանը «ջերմորեն» շնորհավորում էր Վեհափառին, կարևորում ժողովրդի կյանքում Հայ առաքելական սուրբ եկեղեցու «մեծ կարևորությունն ու դերակատարումը»:

44-օրյա պատերազմից հետո, երբ կաթողիկոսը հրապարակավ սկսեց քննադատել իշխանություններին, դարձավ Փաշինյանի աչքի փուշը։ «Որոշ տեղեկություններով՝ իշխանական վերահսկողության տակ գտնվող լրատվամիջոցներին, անգամ Հանրայինին է հրահանգ իջեցվել՝ որևէ կերպ չլուսաբանել կաթողիկոսի գործունեությունը»։