Ֆիդան. Թուրքիան աջակցում է Ալիևի վճռական քայլերին տարածաշրջանում խաղաղության հաստատման ուղղությամբ

Թուրքիան աջակցում է Ադրբեջանի նախագահ Իլհամ Ալիևի` տարածաշրջանում խաղաղության հաստատմանն ուղղված վճռական քայլերին։

Ինչպես հայտնում է Сaliber.Az-ը, այս մասին տեղական և միջազգային լրատվամիջոցների ներկայացուցիչների համար ճեպազրույցում ասել է Թուրքիայի արտգործնախարար Հաքան Ֆիդանը։

Նա ընդգծել է, որ այս ուղղությամբ որոշակի քայլեր է ձեռնարկում նաև ՀՀ վարչապետ Նիկոլ Փաշինյանը. «Խաղաղության համաձայնագրի ստորագրման համար մնացել են մի քանի կետեր, որոնք պետք է ավարտին հասցվեն։ Մենք հուսով ենք, որ 2025 թվականին կայուն խաղաղություն ձեռք կբերվի, և մենք կտեսնենք բարգավաճ տարածաշրջան»։