Ալթուն. Կլիմայական ճգնաժամն ուղղակիորեն շոշափում է ողջ աշխարհի ներկան ու ապագան

Կլիմայական ճգնաժամը ամենակարևոր խնդիրներից է, որն ուղղակիորեն շոշափում է ողջ աշխարհի ներկան և ապագան։
 
Ըստ Report-ի, այս մասին հայտարարել է Թուրքիայի նախագահի աշխատակազմի հաղորդակցության բաժնի ղեկավար Ֆահրեթթին Ալթունը՝ Բաքվում COP29-ի շրջանակում կազմակերպված՝ «Ռազմավարական հաղորդակցությունը կլիմայական գլոբալ ճգնաժամի պայյմաններում» կլոր սեղանի մասնակիցներին ուղղված իր տեսաուղերձում:
 
Նա ընդգծել է, որ կլիմայական իրավիճակը խորացնող ամենակարևոր գործոններից մեկը՝ ջերմոցային գազերի արտանետումն է։
 
«Թուրքիան մտադիր է մինչև 2053 թվականը հասնել զրոյական արտանետումների։ Չնայած նրան, որ Թուրքիան արտադրում է ջերմոցային գազերի գլոբալ արտանետումների միայն 1%-ը, նա, որպես համաշխարհային հանրության պատասխանատու անդամ, ստորագրել է Փարիզի կլիմայական համաձայնագիրը»,- ասել է Ալթունը։
 
Ալթունն ասել է, որ Թուրքիայի նախագահ Էմինե Էրդողանի կնոջ հովանավորությամբ իրականացվող Zero Waste նախագիծը (Sıfır atık) դարձել է Թուրքիայի ամենամեծ բնապահպանական շարժումը և երկրի բնապահպանական քաղաքականությունը դուրս է բերել միջազգային մակարդակ։