ԱՀ ԱԳՆ. Հայաստանը որևէ իրական ներդրում չի ունեցել հաղորդակցությունների բացման բանակցային գործընթացում

Հայաստանը, որը շուրջ 30 տարի օկուպացիայի տակ է պահել Ադրբեջանի միջազգայնորեն ճանաչված ինքնիշխան տարածքները, ինչը հանգեցրեց նաև Նախչըվանի Ինքնավար Հանրապետության շրջափակմանը, 44-օրյա Հայրենական պատերազմից հետո չորս տարիների ընթացքում իրական ներդրում չի ունեցել հաղորդակցությունների բացման բանակցային գործընթացում։
 
Ինչպես հաղորդում է Caliber.Az-ը, այս մասին ասել է Ադրբեջանի արտաքին գործերի նախարարության մամուլի քարտուղար Այխան Հաջիզադեն՝ մեկնաբանելով Հայաստանի վարչապետ Նիկոլ Փաշինյանի «Արմենպրես»-ում հոդվածը։
 
«Չնայած ստորագրված և արձանագրված պարտավորությունների առկայությանը՝ Ադրբեջանի արևմտյան շրջանները Նախչըվանի Ինքնավար Հանրապետության հետ կապող բաց հաղորդակցությունների վերաբերյալ, Հայաստանը դեռևս չի կատարել դրանք»,- ընդգծել է Այխան Հաջիզադեն։
 
Նա հավելել է, որ Երևանը, առաջադրելով դժվար իրագործելի և երկար երթուղիների տարբերակներ, նպատակ է հետապնդում՝ ուշադրությունը շեղել իր պարտավորություններից խուսափելու համար.
«Եթե հայկական կողմն իսկապես շահագրգռված է տարածաշրջանային հաղորդակցությունների ապաշրջափակմամբ, ապա նա պետք է ոչ թե խուսափի իր ստանձնած պարտավորություններից, այլ գործնական քայլեր ձեռնարկի՝ տարածաշրջանում նոր իրողություններին համապատասխան»։