Ադրբեջանը լիցքավորում է Հին աշխարհը «Euronews»-ի ուշադրության կենտրոնում / ՏԵՍԱՆՅՈՒԹ

«Euronews» հեռուստաալիքի կայքում հրապարակվել է՝ Ադրբեջանի էներգետիկ քաղաքականությանը նվիրված հոդված և տեսանյութ։

Բաքվում նախարարական հանդիպումների շրջանակներում քննարկվել են՝ Կասպից ծովում ծովային հողմակայաններ կառուցելու և մեթանի արտանետումների նվազեցման գլոբալ ջանքերին մասնակցության ծրագրերը։

Հարավային գազային միջանցքի խորհրդատվական խորհրդի շրջանակներում 10-րդ նախարարական նիստը և Կանաչ էներգետիկայի խորհրդատվական խորհրդի շրջանակներում 2-րդ նախարարական նիստըը մարտի 1-ին կայացել են Բաքվում։ Օրակարգում դրված էր միջանցքի՝ ԵՄ-ի և հարևան երկրների համար գազի մատակարարումների դիվերսիֆիկացման կարևորագույն երթուղու ընդլայնման մասին հարցը։

Ադրբեջանի նախագահ Իլհամ Ալիևը «Euronews»-ին ասել է. «Մենք սկսել ենք գործընկերային հարաբերություններ ստեղծել երկրների միջև, ընկերությունների միջև՝ առաջատար միջազգային ֆինանսական հաստատություններին հրավիրելով մեզ իրենց ֆինանսավորմամբ աջակցելուն: Եվ 3500 կիլոմետրանոց խողովակաշարն այժմ իրականություն է դարձել»։

Ադրբեջանը՝ նավթի և բնական գազի մեծ պաշարներով երկիր է, անցյալ տարի նա գազի արտահանումը ավելացրել է 9%-ով՝ այն հասցնելով 22 մլրդ խմ-ի։ Ներկա ժամանակ Եվրոպայում գազի հիմնական գնորդներն են հանդիսանում Իտալիան, Հունաստանը, Ռումինիան, Հունգարիան և Բուլղարիան, և ըստ երևույթին, այս ցուցակը կարող է ընդլայնվել։

«Կան բազմաթիվ նոր գործընկեր երկրներ, որոնք պատրաստ են ստանալ բնական գազի նույնիսկ լրացուցիչ ծավալներ, չնայած այն հանգամանքին, որ մենք աստիճանաբար հրաժարվում ենք հանածո վառելիքից։ Բայց այն կպահանջի մի քանի տասնամյակ։ Այժմ մենք ցանկանում ենք համագործակցություն հաստատել՝ հաշվարկելով ապագայի վրա»,- հայտարարել է էներգետիկայի հարցերով եվրահանձնակատար Կադրի Սիմսոնը:

Քննարկվել է նաև «կանաչ» և վերականգնվող էներգիային անցումը, ընդ որում նախագահ Ալիևը կոչ է արել՝ փոխել հանածո վառելիքի երկրների գնահատման նկատմամբ մոտեցումը: «Մեր գործողությունները գնահատեք նրանով, թե ինչպես ենք մենք վերաբերվում այդ ռեսուրսներին, ինչպես ենք մենք եկամուտները օգտագործում մարդկանց կարիքները բավարարելու և «կանաչ» օրակարգը խթանելու համար», - ասել է նա:

Նախագահ Ալիևը հավելել է, որ երկիրը՝ «վերականգնվող էներգիայի աղբյուրներում ներդրումներ անելու և դրանց անհրաժեշտության ընդհանուր պատկերացումը ստեղծելու» երկարաժամկետ նպատակ է դնում իր առջև։

Այս փոփոխությանը հասնելու միջոցներից մեկը, որի օգնությամբ Ադրբեջանը ուզում է հասնել դրան՝ հանդիսանում է Կասպից ծովում հողմակայանները: Եվրոպայում հողմային էներգիայի խթանմամբ զբաղվող բրյուսելյան «WindEurope» ասոցիացիան, և դրա գլխավոր տնօրեն Ջայլս Դիքսոնը «Euronews»-ին ասել են. «Էներգիան միջսահմանային բան է: Վերցնենք Ադրբեջանը՝ նրանք ցանկանում են Կասպից ծովում կառուցել շատ ծովային հողմակայաններ։ Նրանք իրենք չեն սպառի այդ էներգիան։ Նրանք այն կուղարկեն նոր հոսանքի մալուխով, որը Կովկասով կանցկացվի Սև ծովի հատակով դեպի Եվրոպա»:

Դիքսոնը հավելել է, որ դա հնարավոր է միայն միջսահմանային համագործակցության դեպքում, ասելով. «Դա միջազգային համագործակցություն է։ Նման բաներ կարելի է անել միայն այն դեպքում, երբ կառավարությունները համախմբվում են և նրանց հետ միասին համախմբվում է արդյունաբերությունը, որը կկառուցի դրանք»:

Միևնույն ժամանակ, երբ Ադրբեջանը պատրաստվում է այս տարի Բաքվում ՄԱԿ-ի Կլիմայի փոփոխության COP29 համաժողովը անցկացնելուն՝ նախագահ Ալիևն հիշեցրել է կլիմայի փոփոխության ավելի լայն հետևանքների մասին. «Մենք նկատում ենք կլիմայի փոփոխության վտանգավոր հետևանքներ, հատկապես. քիչ ջուր մեր գետերում, քիչ ձյուն մեր լեռներում, քիչ ջուր Կասպից ծովում։ Եվ եթե մենք այս խնդիրը ոգեշնչված և պարտքի զգացումով չլուծենք, ապա կտուժեն բոլորը»։