Ադրբեջանի և Ռուսաստանի միջև ապրանքաշրջանառությունն աճել է

Տարեսկզբից Ադրբեջանի և Ռուսաստանի միջև ապրանքաշրջանառությունը կազմել է 1 մլրդ 387 մլն 220,4 հազար դոլար, ինչը 55,3 տոկոսով ավելի է՝ 2022 թվականի նույն ժամանակահատվածի համեմատ։

Caliber.Az-ը՝ հղում անելով Մաքսային պետական կոմիտեին, հայտնում է, որ հաշվետու ժամանակահատվածում Ռուսաստանից Ադրբեջան ներմուծումը՝ 2022 թվականի առաջին 4 ամիսների համեմատ աճել է 49,4%-ով և կազմել 1 մլրդ 37,7 մլն դոլար։ Նույն ժամանակահատվածում Ադրբեջանից Ռուսաստան արտահանումն աճել է 75,7%-ով և հասել 349 մլն 476,34 հազար դոլարի։