Մոսկվայում անցկացվում է՝ Ադրբեջանի, Հայաստանի և Ռուսաստանի եռակողմ աշխատանքային խմբի նիստը

Մոսկվայում՝ Ռուսաստանի, Ադրբեջանի և Հայաստանի աշխատանքային խմբի նիստը ընթանում է երկրների փոխվարչապետերի համանախագահությամբ։

Այս մասին ուրբաթ օրը ՏԱՍՍ-ին հայտնել է՝ ՌԴ փոխվարչապետ Ալեքսեյ Օվերչուկի մամուլի քարտուղար Անդրեյ Մատվեևը։

«Մոսկվայում, պետությունների ղեկավարների հանձնարարականների համաձայն, սկսել է իր աշխատանքը եռակողմ աշխատանքային խումբը՝ ԱՀ փոխվարչապետ Շահին Մուստաֆաևի, ՀՀ փոխվարչապետ Մհեր Գրիգորյանի և Ռուսաստանի Դաշնության փոխվարչապետ Ալեքսեյ Օվերչուկի համատեղ նախագահությամբ»,- հայտնել է Մատվեևը։

Ավելի վաղ Օվերչուկը լրագրողներին ասել էր, որ հանդիպմանը քննարկվելիք հարցերը «վերաբերում են տեխնիկական մանրամասներին՝ կապված Ադրբեջանի և Հայաստանի միջև սահմանի հատման եղանակների հետ»։