Զատուլին. ՌԴ ԱԳՆ-ն պատրաստվում է հարցում ուղարկել Հայաստանի ԱԳՆ՝ իրավիճակը պարզաբանելու համար

Պետդումայի ԱՊՀ հարցերով հանձնաժողովի նախագահի առաջին տեղակալ, հայամետ գործիչ Կոնստանտին Զատուլինը հայտարարել է, որ ՌԴ ԱԳՆ-ն պատրաստվում է հարցում ուղարկել Հայաստանի ԱԳՆ՝ իրավիճակը պարզաբանելու համար։

Այդ մասին գրում է «Վեդոմոստի»-ն։

Զատուլինը «Վեդոմոստի»-ին հայտարարել է, որ նրան «մտահոգում է հանրապետության ղեկավարության քաղաքականությունը», որը, նրա կարծիքով, ուղղված է «Արևմուտքի շահերին»։

Զատուլինն ասել է, որ տեղյակ չէ, թե նրա որ հայտարարությունները կարող էին հանգեցնել Հայաստանի իշխանությունների նման արձագանքին: Նրա խոսքով՝ ՌԴ ԱԳՆ-ն պատրաստվում է հարցում ուղարկել Հայաստանի ԱԳՆ՝ իրավիճակը պարզաբանելու համար։ «Ռուս-հայկական հարաբերություններում սա առաջին նման դեպքն է խորհրդարանական կորպուսի ներկայացուցչի նկատմամբ»,- ընդգծել է Զատուլինը։

«Վեդոմոստին» հարցում է ուղարկել ՌԴ ԱԳՆ: