Ֆրանսիայի անդրծովյան տենդը Հինգերորդ Հանրապետությունը Մակրոնի պատանդ

Մինչ աշխարհի տարբեր ծայրերում տեղի են ունենում զարմանալի իրադարձություններ, Ֆրանսիան, ավելի ճիշտ՝ Մակրոնի կառավարությունը շարունակում է դոփել՝ իր լճացած, ոչ մի տեղ տանող նկրտումների ջրափոսում, մասնավորապես անցկացնելով ռեակցիոն նեոգաղութային քաղաքականություն։
 
Այսպես, այսօր հայտնի դարձավ այն մասին, որ Բաքվի նախաձեռնող խմբի և ռեունիոնյան «Ka Ubuntu» կազմակերպության կողմից մեր մայրաքաղաքում անցկացված «Ռեունիոնի անկախությունը. հայացք Ֆրանսիայի գաղութային ժառանգությանը և դեպի ինքնիշխանության ուղի» համաժողովին մասնակցելու համար Ադրբեջան ժամանած՝ Ռեունիոն կղզու ներկայացուցիչները ֆրանսիական անվտանգության ուժերի կողմից ձերբակալվել են Փարիզի Շառլ դը Գոլ օդանավակայանում, որը նրանք օգտագործել են տարանցման համար՝ իրենց երկիր վերադառնալու ճանապարհին: Ֆրանսիայի անվտանգության ուժերը նրանց բազմաթիվ հարցեր են ուղղել Ադրբեջան այցելելու պատճառների, Բաքվի նախաձեռնող խմբի հետ համագործակցության մանրամասների, Բաքվում անցկացված քննարկումների վերաբերյալ։ Այս ամբողջ ընթացքում Ռեունիոն կղզու ներկայացուցիչները պահվել են օդանավակայանի հատուկ սենյակում և ենթարկվել հոգեկբանական խոշտանգումների։
 
Սա Ֆրանսիայի իշխանությունների կողմից հակագաղութային շարժման ակտիվիստների ձերբակալման առաջին դեպքը չէ։ Հարկ է հիշել անցյալ տարվա հոկտեմբերին Փարիզում քաղաքական ակտիվիստ, լրագրող Քեմի Սեբայի ձերբակալությունը, որը Ֆրանսիայի նախկին քաղաքացի էր, ով դեմ է այս երկրի գաղութային քաղաքականությանը։ Ուշագրավ է, որ իր ձերբակալությունից մի քանի օր առաջ, Քեմի Սեբան մասնակցել է՝ Աֆրիկայում ֆրանսիական նեոգաղութատիրության քաղաքականությանը նվիրված միջազգային համաժողովին։ Այս միջոցառումը նույնպես անցկացվել է Բաքվում, Բաքվի նախաձեռնող խմբի կազմակերպությամբ։
 
Սակայն Հինգերորդ հանրապետությունից տուժում են ոչ միայն ակտիվիստները, այլ նաեւ լրագրողները։ Այսպիսով, 2023 թվականի դեկտեմբերին Նոր Կալեդոնիա գործուղված Ադրբեջանի պետական լրատվական «Ազերթաջ» գործակալության լրագրողուհի Այգյուն Հասանովային մերժել են մուտք գործել ֆրանսիական այդ անդրծովյան տարածք՝ չնայած վիզայի առկայությանը։ Առավել ևս, նրան մեկ օր պահել են ոստիկանությունում և որպես «անցանկալի անձ» վտարել երկրից։ Գործակալության տվյալներով՝ լրագրողուհուն թույլ չեն տվել մուտք գործել Նոր Կալեդոնիա՝ հենց Ադրբեջանից ժամանելու պատճառով։ «Ազերթաջ»-ի թեժ հետքերով տրված հայտարարությունում ընդգծվում է, որ լրագրողուհուն թույլ չեն տվել մուտք գործել դեկտեմբերի 5-ին նախատեսված ազգային-ազատագրական շարժման հանրահավաքի նախօրեին։
 
Փարիզում պաշտոնյաները բազմիցս Ադրբեջանին մեղադրել են Ֆրանսիայի ներքին գործերին միջամտելու մեջ։ Այսպես, անցած տարվա գարնանը այն ժամանակվա ներքին գործերի նախարար Ջերալդ Դարմանենը հայտարարել է Նոր Կալեդոնիայում իրավիճակին Ադրբեջանի միջամտելու փորձերի մասին, որտեղ այդ օրերին անցկացվել են բողոքի ցույցեր և զանգվածային անկարգություններ։ Ներքին գործերի նախարարը նաև հայտարարել է, որ անկախության կողմնակիցներն իբր Ադրբեջանի հետ կնքել են ինչ-որ «գործարք»։ Իսկ արդեն այս տարվա հունվարի սկզբին դեսպանների համաժողովում Մակրոնը հայտարարել է, որ «Ֆրանսիան անթույլատրելի միջամտության և հարձակումների է ենթարկվել Ադրբեջանի կողմից անդրծովյան տարածքներում, մասնավորապես՝ Նոր Կալեդոնիայում»։
 
Ստիպված ենք արձանագրել, որ Ֆրանսիայի ներկայիս իշխանությունները,  բացարձակապես անզոր գտնվելով գաղութատիրության դեմ պայքարի օբյեկտիվ գործընթացների առջև, իրենց զինանոցում չունեն այլ միջոցներ, բացի ռեպրեսիան և արտաքին թշնամիներ փնտրելը։ Մինչդեռ, ամենաիմաստուն մոտեցումը կլիներ՝ իր արտաքին և գաղութային քաղաքականության համապարփակ գնահատումը, հանցանքների ու սխալների համար զղջումը, և իրենց իրավունքների համար պայքարող ժողովուրդների արդար ձգտումներին ուղղված քայլերը։
 
Ադրբեջանը իր հերթին բացարձակ թափանցիկորեն նպաստում է այդ պայքարին։ Դրա հետ մեկտեղ, չենք հոգնի ընդգծել, որ Ֆրանսիայի նման այնպիսի խոշոր, կարելի է ասել գերտերության բողոքները փոքր Ադրբեջանի վրա՝ մեզ համար ծառայում են, որպես հպարտության աղբյուր, նրա ցուցանիշը, թե մենք ինչպիսի հեղինակության ենք հասել միջազգային ասպարեզում։