Տնտեսության նախարարություն. Բաքվի և Աբշերոնի համար ծովի ջրի աղազրկման համակարգ կստեղծվի

Ադրբեջանում մեկնարկել է՝ Բաքվի և Աբշերոնի ջրամատակարարման համար ծովի ջրի աղազրկման նախագիծը։
 
Ինչպես հաղորդում է Report-ը, այս մասին Բաքվի ջրի շաբաթվա շրջանակներում՝ «Ջրի այլընտրանքային աղբյուրների կառավարման նորարարական մոտեցումներ» պանելային քննարկման ժամանակ հայտարարել է՝  տնտեսության նախարարության նախագծերի կառավարման վարչության պետ Զամիր Դիբիրովը։
 
Նա նշել է, որ նախքան այլընտրանքային ջրային աղբյուրների և նորարարական մոտեցումների մասին խոսելը, կարևոր է հասկանալ, թե ինչպիսի ջրային ռեսուրսներ ունի երկիրը և ինչպես են դրանք օգտագործվում. «Ներկայումս ջրի մոտ 50%-ը կորչում է օգտագործման ընթացքում, իսկ համաշխարհային մասշտաբով այս ցուցանիշը կազմում է 30-40%: Այս կորուստների հիմնական պատճառը կապված է ոչ պատշաճ օգտագործման և հնացած ենթակառուցվածքների հետ: 2022 թվականին ընդունված պետական-մասնավոր գործընկերության (ՊՄԳ) մասին օրենքի շրջանակներում մեկնարկել են առաջին նախագծերը, որոնք ապահովում են հնացած ենթակառուցվածքների վերականգնումը, մասնավոր հատվածի փորձի ներգրավումը երկիր և ջրային ռեսուրսների պատշաճ կառավարումը: Ջրի 70%-ն օգտագործվում է տնտեսական նպատակներով, մասնավորապես՝ ոռոգման համար»: