Ղարաբաղի հայերը` օտար են յուրայինների մեջ «Ճշմարտախոս» ընտրովի

Ոչ մի զարմանալի բան չկա նրանում, ինչի մասին ArmVlog-ի YouTube ալիքում հայտարարել է հայ բլոգեր Ռոման Բաղդասարյանը։ Նա խոսել է Ադրբեջանի Ղարաբաղի տարածաշրջանից Հայաստան ինքնակամ տեղափոխված հայերի մասին։ Բաղդասարյանը, մեղմ ասած, խիստ դժգոհ էր նրանից, թե ինչպես և ինչ պահանջներով են նրանք ապրում Երևանում, Գյումրիում և Հայաստանի այլ քաղաքներում։
 
«Նրանք ուզում են ապրել Երևանում և իրենց համարում են առաջին կարգի մարդիկ։ Դրանով հանդերձ նրանք չեն ուզում Հայաստանի քաղաքացիություն ստանալ, նրանք զզվում են դրանից։ Նրանք չեն ուզում, որ իրենց երեխաները ծառայեն Հայաստանի բանակում՝ ղարաբաղցիների 95 տոկոսն իրենց երեխաներին հայկական բանակ չի ուղարկում»,- նշել է Բաղդասարյանը։
 
Այնուհետև նա հիշել է 2008 թվականի նախագահական ընտրություններին հաջորդած իրադարձությունները.
 
«2008-ի մարտի 1-ին ղարաբաղցիները գալիս էին փողի համար սպանում երեւանցիներին՝ նրանց համար միևնույն էր, թե ում են կտրում և սպանում։ Նրանք դա անում են հաճույքով։ Նրանք բողոքում են, որ իրենց քիչ գումար են տալիս։ Դրանով հանդերձ նրանք չեն ուզում ապրել սահմանին։ Կներեք, բայց դուք ապրում էիք Մարդակերտի (Աղդերե - խմբ.), Մարտունիի (Խոջավենդ - խմբ.), Ասկերանի (Խոջալու - խմբ.) շրջանների գյուղերում։ Դուք ապրում էիք Հադրութի շրջանի գյուղերում։ Դուք ապրում էիք Ադրբեջանի յոթ շրջանների ուրիշների տներում՝ ապրում էիք Քելբեջարում, Գուբադլիում, Ֆիզուլիում և Աղդամում։ Եվ հիմա բոլոր ղարաբաղցի գյուղացիները հանկարծ որոշել են, որ պետք է գնան Երևանի օպերա, որ պետք է աշխատեն կոնսերվատորիայում»,- դժգոհություն է հայտնում Ռոման Բաղդասարյանը։
 
Նա ոչ մի անսպասելի կամ սենսացիոն բան չի հայտնել։ Ղարաբաղի և Երևանի հայերի միջև կոնֆլիկտը միշտ էլ եղել է։ 2006 և 2007 թվականներին, երբ ես Հայաստանում էի, անձամբ տեսա, թե որքան խորն է նրանց միջև այդ անջրպետը։ Երբեմն դա հասնում էր միջազգային կոնֆերանսների հասարակական վեճերի: Հայաստանի բնակիչները ղարաբաղցիներին արդարացիորեն մեղադրում էին իրենց խնդիրների մեջ։
 
Սա այն ժամանակաշրջանում էր, երբ Հայաստանում իշխանության ղեկին էր «ղարաբաղյան կլանը»՝ Ռոբերտ Քոչարյանի և Սերժ Սարգսյանի գլխավորությամբ։ Կլանը իշխանությունից զրկվեց Նիկոլ Փաշինյանի «խորովածային հեղափոխության» արդյունքում, որի խոսափողն էլ  հանդիսանում է Ռոման Բաղդասարյանը։ Ահա հենց այս համատեքստում պետք է գնահատել այս բլոգերի բոլոր նախորդ, ներկա և ապագա ելույթները։
 
Բաղդասարյանը մշտապես քննադատել է «ղարաբաղյան կլանին»՝ ձգտելով արդարացնել Նիկոլ Փաշինյանին, ով նույնպես ծանր հանցագործություններ է կատարել։ Օրինակ, այդ թվում նաեւ նրա հրամանով էր, որ 44-օրյա պատերազմի ժամանակ ադրբեջանական խաղաղ քաղաքները ենթարկվեցին հրթիռակոծությունների, որոնց հետեւանքով զոհվել ու վիրավորվել են ծերեր, կանայք ու երեխաներ։
 
44-օրյա պատերազմում Հայաստանի պարտությունից հետո Բաղդասարյանը սկսեց ակտիվորեն խոսել սոցիալական ցանցերում, բոլոր խնդիրների մեջ մեղադրելով «ղարաբաղյան կլանին»։ Նա մի անգամ չէ, որ նման հայտարարություններ է արել։ Օրինակ, նա մի անգամ ասել է, որ Ադրբեջանի նախագահ Իլհամ Ալիևը ճիշտ էր, երբ «Euronews»-ին տված հարցազրույցում հայտարարեց. «Մենք կառուցում ենք քաղաքներ, նրանք իրենց համար կառուցել են վիլլաներ»:
 
«Մինչ Ալիևը քաղաքներ էր կառուցում, Արկադի Ղուկասյանը իր համար Սանկտ Պետերբուրգում հյուրանոցներ էր գնում։ Մինչ Ալիևը քաղաքներ էր կառուցում, Բակո Սահակյանը իր համար գնեց «Արցախ» հյուրանոցը, վարորդի համար՝ եռահարկ պալատ, առևտրի կենտրոն, խանութներ և առևտրային տարածք Մոսկվայում։ Մինչ Ալիևը քաղաքներ էր կառուցում, Արայիկ Հարությունյանը Ստավրոպոլի երկրամասում տուն, հյուրանոց էր կառուցում, Դուբայում և Փարիզում բնակարաններ էր գնում։ Մինչ Ալիևը քաղաքներ էր կառուցում, Արթուր Աղաբեկյանը բացել էլ հիմնադրամ, որտեղից փող է գողացել՝ ծախսելով աղջիկների ու բանկետների վրա։ Մինչ Ալիևը քաղաքներ էր կառուցում, Ռոբերտ Քոչարյանն իր համար կղզի էր գնում Հունաստանում, հյուրանոց, հարյուրավոր օբյեկտներ իր որդու՝ Լևոնի համար»,- արձանագրել է Ռ. Բաղդասարյանը։
 
Ինչպես տեսնում ենք, նա և՛ այն ժամանակ, և՛ հիմա ասել է ճշմարտությունը, բայց բացառապես այն, որը ձեռնտու է Հայաստանի ներկայիս իշխանությանը, որը շարունակում է իր համար վտանգ տեսնել ի դեմս «ղարաբաղյան ծրագրի», որը Բագրատ արքեպիսկոպոս Գալստանյանին առաջին պլան է մղել Նիկոլ Փաշինյանի դեմ պայքարում։ Դրանով հանդերձ, ղարաբաղցի հայերը պահանջներ ունեն ոչ միայն Հայաստանի իշխանությունների նկատմամբ։
 
Լուծարված ղարաբաղյան անօրինական խունտայի, այսպես կոչված, «նախկին օմբուդսմեն» Գեղամ Ստեփանյանն ասել է այն մասին, որ եվրոպական մի շարք երկրները իրենց մոտ չեն թողնում ղարաբաղցի հայերին։ Նրա խոսքով, առանձնահատուկ ընտրողական վերաբերմունք կա Լեհաստանի, Լիտվայի, Չեխիայի, Իսպանիայի դեսպանատներում։ Նա դժգոհում է, որ այս խնդիրը ոչ մի կերպ չեն կարողանում լուծել, իսկ «Հայաստանի ԱԳՆ-ն հրապարակային դիրքորոշում չի հայտնում»։
 
Ինչպես տեսնում ենք, մենք ունենք ևս մեկ ապացույց, թե որքան խորն է անջրպետը ղարաբաղցի հայերի և Հայաստանի ներկայիս իշխանության միջև։ Եվ այստեղ ամեն ինչ մի մարդուց դեպի մյուսն է։ Հայաստանի իշխանությունը կոնֆլիկտ ունի ղարաբաղցի հայերի հետ։ Այդ մասին գիտեն ամբողջ աշխարհում, և, հետևաբար, մի շարք պետություններ երեկվա անջատողականներին՝ իրենց մոտ տեղափոխվելու իրավունք չեն տալիս։ Եվրոպայում իրենց անջատողականները հերիքում են։ Այս կապակցությամբ ընդամենը մեկ հարց է ծագում. ելնելով այս ամենից, ինչ տեղի է ունենում,  ինչպիսի՞ պահանջներ կարող են ինել Ադրբեջանի նկատմամբ։
 
Այնուամենայնիվ, սա հռետորական հարց է։