Գորդոն. Ադրբեջանը հայերի համար դրախտ է կառուցելու Ղարաբաղում

«Ադրբեջանի և Հայաստանի սահմանները պետք է անառիկ լինեն»:

Այս մասին հայտարարել է ուկրաինացի հայտնի լրագրող և հեռուստահաղորդավար Դմիտրի Գորդոնը՝ YouTube-ի Caliber.Az ալիքի եթերում։

«Լեռնային Ղարաբաղը ինքնիշխան Ադրբեջանի մաս է. Իսկ Հայաստանը դա ճանաչում է, այսինքն՝ գնում է փոխզիջման։ Իսկ ի՞նչ է անելու Ադրբեջանը, իմ կարծիքով։ Կա գեղեցիկ Բաքուն, և մենք Ղարաբաղում ցույց կտանք, թե ինչպես կարելի է էլ ավելի լավ անել, քան Բաքվում։

Տեսեք, թշնամություն է եղել, թեև մենք գիտենք, թե որքան խառն ամուսնություններ են եղել հայերի և ադրբեջանցիների միջև։ Ես ունեմ մտերիմ հայ ընկեր՝ Սերգեյ Ռաֆիկովիչ Հարությունյանը, և կա ևս մեկ ընկեր, ում հետ ընկերություն ենք անում բանակից սկսած՝ 1986 թվականից, այսինքն 37 տարի՝ դա Իլհամ Էլբակ օղլու Իսմայիլովն է։ Երբ նստում ենք սեղանի շուրջ, մեր տանը կամ մեկ այլ տեղ, նրանք շատ լավ են շփվում։ Հարցնում եմ՝ իրար նկատմամբ թշնամություն ունե՞ք։ Ասում են՝ չէ, ուղղակի ուզում ենք լավ ապրել, խաղաղ ապրել։ Անբնական է, որ մարդիկ կռվեն, նրանք պետք է ընկերներ լինեն։ Ուստի թույլ տվեք ևս մեկ անգամ ֆիքսել, թե իմ կարծիքով, ինչ է լինելու հետո՝ Հայաստանի պետությունը ճանաչում է Ադրբեջանի պետությունը՝ նրա խորհրդային սահմաններում, Ադրբեջանը գործում է դրան համապատասխան։ Ադրբեջանը պարտավորվում է Ղարաբաղում, պայմանականորեն ասած, հայերի համար դրախտ կառուցել, որպեսզի այնտեղի հայերն ասեն. «Մենք հայ ենք, մենք սիրում ենք մեր ժողովրդին, մենք Ադրբեջանի քաղաքացիներ ենք և շնորհակալություն ենք հայտնում Ադրբեջանին նրա համար, թե ինչպես է նա վերաբերվում մեզ հետ»։ Եվ այդպես էլ կլինի»,- ասել է Դ.Գորդոնը։