«Հայաստանի դեպի Արևմուտք շրջադարձը սպառնալիք է նրա ինքնիշխանությանը» Պավել Դանիլինը՝ Caliber.Az-կայքում
Caliber.Az-ի բլից հարցազրույցը՝ Քաղաքական վերլուծությունների և սոցիալական հետազոտությունների կենտրոնի գլխավոր տնօրեն, ռուսաստանցի քաղաքագետ և հրապարակախոս Պավել Դանիլինի հետ։
— Ինչպե՞ս եք գնահատում Հայաստանում ներկայիս բողոքի ակցիաների ներուժը: Դրանք կարող են արդյո՞ք հանգեցնել երկրում իշխանափոխության։
— Ներկայիս բողոքի ակցիաների ֆոնին Հայաստանում իշխանափոխության հավանականությունը բավականին ցածր է։ Եվրոպային ուժեղ հավատող և Նիկոլ Փաշինյանին որպես իրենց շահերի անցկացնող եվրոպամետ հայերը չափազանց մեծ ներուժ ունեն։ Հետևաբար, ամենայն հավանականությամբ, Հայաստանի վարչապետին կհաջողվի պահպանել իշխանությունը՝ չնայած երկրում տիրող անկայուն ներքաղաքական իրավիճակին։
— Հայաստանի ղեկավարությունը հայտարարում է՝ Ադրբեջանի հետ մինչև այս տարվա վերջ խաղաղության պայմանագիր կնքելու պատրաստակամության մասին։ Ձեր կարծիքով, դա որքանո՞վ է հնարավոր։
— Սա բարդ հարց է։ Բանը նրանում է, որ խաղաղ պայմանագրի ստորագրումը պայթյունավտանգ բնույթ կունենա ինքնին Հայաստանի համար, և կարող է էլ ավելի ուժեղացնել բողոքի ցույցերը երկրում։ Բայց այդ բողոքի ցույցերը ճակատագրական չեն լինի, քանի որ հայերը, ինչպես ասում են, «բարեկամաբար» ցանկանում են փակել այս հարցը։
— Հայաստանը ունի արդյո՞ք Եվրպական Միությունը անդամակցելու հնարավորություն։
— Հայաստանը ԵՄ-ի անդամ դառնալու ոչ մի շանս չունի, ինչպես նաև Ուկրաինան։ Եթե հանկարծ նրանք այնտեղ մտնեն, ապա ԵՄ-ն այլեւս չի լինի։
— Հայաստանի համար ի՞նչ հետևանքներ կարող է ունենալ վերջնական շրջադարձը դեպի Արևմուտք։
— Ինչպես արդեն մեկ անգամ չէ, որ ասել եմ այս մասին, Հայաստանը այս դեպքում վտանգում է կորցնել իր ինքնիշխանությունը։
— Նոր նախագահի ընտրությունից հետո կփոխվի արդյո՞ք Իրանի քաղաքականությունը Հարավային Կովկասի երկրների, Թուրքիայի և Ռուսաստանի նկատմամբ։
— Չեմ կարծում, որ նոր նախագահի գալու հետ Թեհրանի քաղաքականությունը կարող է փոխվել տարածաշրջանային պետությունների նկատմամբ։ Ավելի հավանական է, որ Թեհրանը կպահպանի իր նախկին արտաքին քաղաքական ուղենիշները Հարավային Կովկասում։