Հայաստանը ձախողում է Ադրբեջանի հետ բանակցությունները Ֆարհադ Մամեդովի ցուցակը

Ադրբեջանցի քաղաքական վերլուծաբան Ֆարհադ Մամեդովը ներկայացրել է Հայաստանի իշխանությունների դեմարշների ցանկը, որոնք հանգեցնում են Բաքվի հետ բանակցությունների խզմանը։

Ինչպես տեղեկացնում է Caliber.Az-ը, այս մասին Ֆարհադ Մամեդովը գրել է իր Telegram ալիքում։

«Խախտելով 2020 թվականի նոյեմբերի 10-ի եռակողմ հայտարարության 4-րդ կետը՝ Հայաստանն իր զինված ուժերի մնացորդները դուրս չի բերել Ղարաբաղից։

• Հայաստանը բաց է թողել 2021 թվականի հունվարի 11-ի եռակողմ հայտարարության՝ կոմունիկացիաների ապաշրջափակման մասին 4-րդ կետի կատարման դեդլայնը (2021 թվականի մարտի 1)։

• Հայաստանը ձախողում է 2020 թվականի նոյեմբերի 10-ի եռակողմ հայտարարության 9-րդ կետի կատարումը՝ հրաժարվելով երաշխավորել Ադրբեջանի արևմտյան շրջանների և Նախչըվանի Ինքնավար Հանրապետության միջև «անխոչընդոտ» հաղորդակցությունը։

• Հայաստանը չի տրամադրում Առաջին Ղարաբաղյան պատերազմի ժամանակ Ղարաբաղում սպանված ադրբեջանցիների զանգվածային թաղման վայրերի կոորդինատները և հրաժարվում է տեղեկատվություն տրամադրել 1990-ականների սկզբին գերեվարված հազարավոր ադրբեջանցիների ճակատագրի մասին։

• Հայաստանը սաբոտաժ է անում ՅՈՒՆԵՍԿՕ-ին` չհամաձայնելով Հայաստանում ադրբեջանական մշակութային ժառանգության վիճակի մոնիթորինգ անցկացնել:

• Հայաստանը չի տրամադրում Զանգեզուրի միջանցքով անցնող ավտոճանապարհի կոորդինատները (չնայած այս հարցում համաձայնության գալու մասին հայտարարվել էր դեռ նախորդ տարի) և չի սկսում երկաթուղու շինարարությունը։

• Հայաստանը բաց է թողել սահմանային և խաղաղության պայմանագրի հարցերով հանձնաժողովների ձևավորման վերաբերյալ Շառլ Միշելի ապրիլյան բրյուսելյան հայտարարության դեդլայնը (մինչև ապրիլի վերջը)։

• Հայաստանն իր «6 սկզբունքներով» և «կարգավիճակի թեման բարձրացնելով» ցույց տվեց, որ չի պատրաստվում հրաժարվել Ադրբեջանի հանդեպ իր տարածքային հավակնություններից։

• Եվ ահա վերջինը. Ադրբեջանի նախագահ Իլհամ Ալիևը հայտարարեց, որ Հայաստանը երկու անգամ ձախողել է սահմանային հանձնաժողովի նիստը։

Բայց մենք մոտենում ենք 10 կետերի հոգեբանական նշաձողին»,- գրել է Մամեդովը։