«Հայաստանին ռուսական զենքի մատակարարումների վերսկսումը կխաթարի բանակցային գործընթացը»
Դմիտրի Վերխոտուրովը՝ Caliber.Az-ի հետ կապի մեջ

Հարցազրույց  22 Մայիսի 2023 - 15:16

Caliber.Az-ի հարցազրույցը՝ ռուսաստանցի միջազգային հարցերով փորձագետ Դմիտրի Վերխոտուրովի հետ։

- Դուք ինչպե՞ս կգնահատեիք Մոսկվայում Ադրբեջանի և Հայաստանի արտաքին գործերի նախարարների եռակողմ հանդիպման արդյունքները, մասնավորապես, Ռուսաստանի ԱԳՆ ղեկավար Սերգեյ Լավրովի հայտարարությունը այն մասին, որ հաջողվել է կողմերին մոտեցնել խաղաղության պայմանագրի ընդհանուր տեսլականին։

- Իմ կարծիքով, դատելով քննարկվող փաստաթղթի վերնագրից, այս եռակողմ հանդիպմանը բացահայտ ինչ-որ բան տեղի է ունեցել եւ, հնարավոր է, նույնիսկ լուրջ տեղաշարժ է ձեռք բերվել։ Ես հնարավոր եմ համարում, որ կողմերը պայմանավորվել են՝ Բաքվի և Երևանի միջև լիարժեք խաղաղության պայմանագրի նախնական տարբերակի շուրջ։

-Այսինքն, խաղաղության մասին փաստաթղթի նախնական տարբերակը արդեն մայիսի 25-ին կքննարկվի՝ այնտեղ Մոսկվայում նախատեսված Ադրբեջանի և Հայաստանի ղեկավարների հանդիպմա՞նը։

- Կարծում եմ, այո։ Ենթադրում եմ, որ խաղաղության պայմանագրի տարբերակը արդեն քննարկվել է ԱԳՆ ղեկավարների երեկվա եռակողմ հանդիպմանը և, ըստ երևույթին, մանրամասն կքննարկվի արդեն ամսվա վերջին՝ Ադրբեջանի, Հայաստանի և Ռուսաստանի ղեկավարների առաջիկա հանդիպման ժամանակ։ Ուստի միանգամայն հավանական է, որ առաջիկա հանդիպման արդյունքում կարող է կայանալ խաղաղության պայմանագրի ստորագրում, եթե, իհարկե, կողմերը չունենան փաստաթղթի հետ կապված որեւէ առարկություններ։ Հաշվի առնելով մոտ ժամանակում խաղաղության պայմանագիրը կնքելու անհրաժեշտությունը՝ պայմանագիրը կարող է հետաձգվել միայն կարճ ժամանակով։

- Դուք արդյո՞ք արդյունավետ եք համարում Բրյուսելի և Վաշինգտոնի աջակցությունը՝ հայ-ադրբեջանական հարաբերությունների կարգավորման հարցում։

- Ինչ վերաբերում է՝ հայ-ադրբեջանական հարաբերությունների կարգավորման համար նախատեսված եվրոպական ու ամերիկյան հարթակներին, ապա կարծում եմ, որ արեւմտյան դիվանագիտությունը չի կարող կարգավորել այդ հարցը եւ, համապատասխանաբար, դրա արդյունավետությունը շատ ցածր է։

- ՀԱՊԿ-ի առաքելությունը ի՞նչ ժամկետներում կարող է տեղակայվել հայ-ադրբեջանական պայմանական սահմանին։

- Իմ կարծիքով, ՀԱՊԿ-ի առաքելությունը կարող է հայ-ադրբեջանական սահմանին հայտնվել՝ Բաքվի և Երևանի միջև խաղաղ պայմանագրի ստորագրումից անմիջապես հետո։

- Որքանո՞վ է հավանական Հայաստանին ռուսական ռազմական մատակարարումների վերականգնումը։

- Հավանաբար, բոլոր ռազմական հարցերի լուծումը, այդ թվում նաև սպառազինության մատակարարումները հնարավոր է՝ միայն Ադրբեջանի և Հայաստանի միջև խաղաղության պայմանագրի ստորագրումից հետո։ Չի բացառվում, որ փաստաթուղթի մեջ կարող են ներառվել գործերի ռազմական կողմը սահմանող դրույթներ, և այսպիսով բոլոր հարցերը կարող են լուծվել ներգրավված բոլոր կողմերի բավարարման պայմաններում։ Ստեղծված իրավիճակում ես դա պատկերացմնում եմ, որպես ամենատրամաբանական, քանի որ խաղաղության պայմանագրի ստորագրումից առաջ Հայաստանին սպառազինության մատակարարման վերսկսումով հնարավոր է զայրացնել Ադրբեջանին և, համապատասխանաբար, խաթարել բանակցային գործընթացը։ Բայց կարծում եմ, որ ռուսական դիվանագիտությունը նման տարրական սխալներ թույլ չի տա։

- Հնարավոր եք համարում արդյո՞ք նոր ռազմական բախումներ Ադրբեջանի և Հայաստանի միջև։

- Ինչ որ փոքր բախումներ և փոխհրաձգություններ կարող են լինել, բայց լայնամասշտաբ պատերազմ և սահմանների վերաբաշխում քիչ հավանական է։ Առավել ևս, որ դա ձեռք չի տալիս Ռուսաստանին և տարածաշրջանի այլ երկրներին։

Caliber.Az

Դիտումներ: 116